堤亚高施华力争复出 誓破二奶宿命

xcy232323

       


        今届英联盃决赛将於周日(25日)晚上喺伦敦温布莱球场举行，利物浦对车路士，根据英国《每日电讯报》报道，有伤在身嘅车路士中坚堤亚高施华，正在加紧康复工作，希望赶及上阵。呢位39岁巴西老将之前3次为车仔喺温布莱球场踢决赛，都同冠军无缘，唔知今次能否打破宿命呢？
        堤亚高施华受到腹股沟伤患困扰，缺阵上场英超对曼城，至於能否出战英联盃决赛，亦成为疑问，呢位中坚之前3次为车路士喺温布莱球场踢决赛，包括2次英足盃及1次英联盃，都失落锦标，加上佢将於今夏约满，未必可以续约，当然希望临走前打破宿命喺温布莱球场捧盃。
        不过，堤亚高施华想一圆冠军梦，并唔容易，因为车路士自从2018年夺得英足盃冠军之後，近6次喺温布莱球场比赛都输波，似乎中咗「二奶魔咒」。