迪布尼计划同曼城续约 35岁离队

xcy232323

       


        奇云迪布尼同曼城合约仲有1年到期，双方续约问题不大，报道指32岁嘅迪布尼打算在35岁挂靴，或转战美职，换言之佢仲会喺曼城踢多3季。
        《The Athletic》报道，迪布尼同曼城嘅续约谈判仍未展开，曼城对於年过30球员续约策略倾向保守，只会续1至2年短约，马列斯同根度简因此相继离队，但对迪布尼影响不大，因为无论合约长短，呢位比利时国脚都打算35岁离队。
        去年夏天，迪布尼收到来自沙特希拉尔报价，年薪7,000万欧元(约5.9亿港元)，被迪布尼拒绝，不过希拉尔体育总监埃梅纳洛，正是当年协助车路士由亨克签入迪布尼嘅重要人物，可以话系迪布尼嘅伯乐，因此时至今日，双方仍保持联系。
        不过据报道，迪布尼同家人对於前赴中东生活兴趣不大，佢本人属意为曼城再踢3季就离开，之後视乎身体状况，如果到时仲踢得，就会考虑到美职比赛，在赛场上做更多贡献。