曼联喜讯！约罗复操 处子战日期曝光

xcy232323

曼联上场联赛反胜宾福特後，周一(21日)再传出喜讯，夏天加盟嘅法国中坚约罗重返训练场操练，踏出康复之路重要一步，据报呢位18岁中坚将喺12月初复出，预计阿仙奴一仗处子上阵。
约罗喺夏天以5,200万镑转会费加盟曼联，但季前热身赛受伤要做手术，至今仍未上阵，不过佢周一回归卡宁顿训练基地练习，曼联声明表示：「我哋嘅15号已进入下一个复康阶段，佢仲要完成其他任务先可以跟大队练习，短期内未必能够作出正式赛事处子战，但开心见到佢踏出重要一步。」
据英国《曼彻斯特晚报》报道，约罗要到12月份先可以正式复出，有消息指呢位法国新星已向朋友表示，希望可以喺12月初作客阿仙奴嘅英超大战回归。