坦哈格难得谦虚：摩连奴系教练榜样

xcy232323

联赛击败宾福特後，曼联下场欧霸盃将会对前主帅摩连奴领军嘅费伦巴治，亦系坦哈格另一个大难关。坦哈格出席足球作家协会北方经理人颁奖晚宴期间，被问下场同「寸王」正面交锋，永远把口唔输嘅坦帅难得谦虚，佢话：「佢系好多教练嘅榜样。」
坦哈格表示同摩连奴交手系一场大战：「我好享受同佢交手，佢教亲都系强队，佢系个赢家，已经捧过好多奖盃，佢系好多教练嘅榜样。」
有分析指，虽然曼联高层早前开会决定继续畀机会坦哈格，但重点系要提升表现同成绩，其中对费伦巴治系一大关口，一来为面子，坦哈格如果输畀曼联前主帅自己都丑，二来曼联喺欧霸盃两战两和仲未开斋，有赢波压力。
坦哈格仲话，今季目标系继续捧盃：「上两季奖盃系过去嘅事，足球系睇眼前，要每日、每季证明自己，今季只系刚开始，目标系再捧盃。」