AEK雅典出破纪录人工 马迪尔有望希腊落班

xcy232323

今夏同曼联约满离队嘅安东尼马迪尔，据报获希腊劲旅AEK雅典垂青，对方开出球会史上最高人工斟介，呢位法国射手有望去希腊落班。
28岁嘅马迪尔人工高兼伤患多，令唔少大球会放弃，虽然多数联赛嘅转会窗已关闭，不过自由身嘅佢就唔受限制，《Sport24》报道AEK雅典已向马迪尔开出聘约，人工将超过同样系新加盟嘅前热刺球星拉美拿，成为AEK雅典史上最高薪球员。
虽然报道未有透露实际金额，不过阿根廷翼锋拉美拿7月份加盟嗰阵，年薪达到210万镑。马迪尔喺选择唔多情况下，好大机会答应AEK雅典嘅聘约。