夏兰特回勇数胡 曼城抢攻上盘杀破狼

xcy232323

英超「二哥」曼城将会主场出击，迎战狼队。「蓝月亮」落後榜首阿仙奴1分，但少踢1场，掌握争标主动权，只要余下赛事全胜就可封王，全队上下不敢怠慢，为免夜长梦多定必甫开赛即抢攻，佢哋近4次对狼队3次赢3球或以上，有晒往绩支持，曼城让2.5/3球，照捧上盘。（Now 621及611周日凌晨零时30分直播）
曼城上场2比0击败诺定咸森林，睇落好顺利，但实际上赢波过程惊险万分，若非对方多次错失门前机会，曼城极可能赢唔到。而呢场波亦反映曼城防守唔够硬净，特别系全队压上前抢攻期间，後防容易有甩漏，加上首席门将艾达臣摩拉斯於上场受伤，季尾余下时间焗用史堤芬奥迪加把关，令主帅哥迪奥拿冇得拣，只能继续以攻代守。
艾宁夏兰特上场後备上阵攻入1球，令佢暂时以21球排射手榜榜首，今场将复任正选，喺锋线继续数胡。佢嘅好拍档奇云迪布尼、菲尔科顿同贝拿度施华将会全力支援，希望赢得几多得几多。
狼队位居中游位置，季尾赛事锺意点踢都得，虽然上场击败护级球队卢顿，但喺呢场胜仗之前经历7场不胜，实在靠唔住。自从狼队两大主力柏度尼图同奇治戴臣受伤缺阵以来，攻守演出确实差咗好多，今场遇上全力冲冠嘅曼城，预料难以招架，大败属意料中事。
更多赔率：
https://bet.hkjc.com/football/odds/odds_allodds.aspx?lang=CH&tmatchid=50015809&tournid=50000051