美斯任沙特旅游大使 背後多争议

xcy232323

       

        34岁嘅阿根廷球星美斯最近成为了沙特阿拉伯旅游大使，更藉着PSG停训几日走去红海睇日落，相当写意。
        巴黎圣日耳门已经提早捧走法甲冠军，虽然仲有比赛，但几位巨星级球员各自有「节目」，基利安麦巴比现身马德里，美斯就带埋细佬同朋友去转沙特，佢仲系个人社交平台分享出海睇日落嘅相片，仲写咗句:「喺沙特探索红海。」
        沙特阿拉伯旅游经理Ahmed Al-Khatib透露同美斯嘅合作关系:「今日好欢迎美斯同佢嘅朋友一齐嚟到沙特阿拉伯，享受一个特别假期。呢次唔系佢第一次嚟到呢个国家，而我哋好高兴宣布美斯喺沙特嘅旅游大使。」
        不过，外界分析沙特同美斯嘅合作绝对唔奇，但沙特同PSG的支持者卡塔尔之间嘅关系微妙，呢两个国家自90年代以来一直都系竞争对手；加上有球迷担心沙特的人权问题，会为美斯带嚟负面影响，今次美斯做咗沙特旅游大使，呢单嘢可能嘢仲有跟进。