戴巴拿经理人英国现身 投曼联或阿仙奴

xcy232323

       


        阿根廷前锋保罗戴巴拿今夏约满离开祖云达斯，不过下一站仲未确定，英国传媒报道，佢嘅经理人近日於伦敦现身，传闻呢位28岁球星将以自由身加盟阿仙奴或曼联。
        戴巴拿今年3月已宣布唔同祖记续约，最初传佢会转投国际米兰，同另一阿根廷前锋拿达路马天尼斯合作，不过佢同经理人似乎希望睇定啲，过嚟英超睇吓有冇球会啱踢。
        意大利传媒报道，戴巴拿经理人正同心仪嘅英超球会搭路，只要有球会开出年薪连奖金达到680万镑，戴巴拿就愿意加盟。
        消息指，曼联同阿仙奴都有机会签佢，曼联名气大但来季预算唔多，戴巴拿自由身就最啱，阿仙奴亦有机会，不过戴巴拿经理人想睇定啲先，如果兵工厂取得欧联资格，戴巴拿就会考虑加盟。