「我只会踢波」 麦巴比否认干予朝政

xcy232323

       

        巴黎圣日耳门(PSG)成功续约基利安麦巴比，举世哗然，不断有消息传出，除咗天价高薪，PSG更向麦巴比开放权限，给予球队管理生杀大权，包括撤换体育主管、教练，甚至球员买卖都可以提出要求，对於上述传言，麦巴比周一喺记者会例牌否认。
        外间盛传，PSG体育主管李安纳度已被辞退，仲系麦巴比要求炒佢，麦巴比对此并无正面回应，佢话：「如果球员向体育主管施加压力，咁样做好唔妥，每个人都应该喺自己位置上出力。如果要请一位新主管，系因为佢有能力，并要畀时间佢做嘢。」
        佢仲话自己只识踢波，否认干予朝政：「我系一位足球员，如果你想同我交流，我可以同你讲足球讲几个小时，我同其他人一样，唔会去影响买卖球员嘅事，呢啲唔系我工作，我唔擅长做呢啲嘢，我净系识踢波。」
        至於主帅普捷天奴去留，麦巴比咁样答：「我唯一保证，系佢嘅合约到2023年，我同佢关系好好，呢啲事要由会方决定，但我同佢相处非常好。」