C朗有Mood 周日有望正选登场

xcy232323

       

        曼联话题继续围绕C朗，在安东尼马迪尔受伤下，C朗周日首轮联赛主场对白礼顿好大机会正选登场，呢位葡萄牙巨星喺社交网发出自拍照，写上「Mood」，咁有Mood，睇嚟佢会踢正选嘞。
        C朗喺个人IG发放自拍照，见佢面带笑容，相当精神。呢个帖发出嘅同一时间，曼联传出安东尼马迪尔受伤消息，马迪尔早前远东集训咸鱼翻生，头3场都有士哥，包括对死敌利物浦，喺当时C朗告假未归队情况下已坐稳正选中锋位置，但依家伤咗，坦哈格只能考虑其他人选。
        在此之前，有报道指C朗同坦哈格近日爆发激烈矛盾，上仗热身赛对华历简奴，C朗同坦哈格场边讨论，气氛睇嚟好火爆，C朗半场被换出後提早离场，其後坦哈格回应传媒访问时表示，球员提早离场不能接受，令矛盾激化。
        上述种种都系传媒观察，C朗仍然系曼联球员，佢赛前透露好心情，对球队绝对系好事。