近3季养伤454日 祖记担心普巴变「新蓝斯」

xcy232323

       

        祖云达斯今个夏天获保罗普巴回巢，不过佢季前热身就膝头重伤，消息指呢位法国国脚近年嘅伤患问题严重，祖云达斯已开始担心佢会成为「新艾朗蓝斯」。
        祖记3年前免费签入艾朗蓝斯，但呢位威尔斯国脚长期受伤患困扰，今个夏天更提前解约离队，点知顶替佢嘅保罗普巴亦都受伤。
        据网站《Transfermarkt》资料，保罗普巴喺曼联最後3季，一共出现8次受伤，合共缺阵454日，错过72场比赛。
        保罗普巴今次右膝半月板伤患，亦系由上季效力曼联嗰阵已经出现嘅旧患，已经29岁嘅佢近年比赛状态亦不断下滑，可唔可以重演佢10年前首次加盟祖云达斯嘅雄风，令球迷非常怀疑。