打造梦幻锋线 曼城计划明夏免费签美斯

xcy232323

       

        英国《曼彻斯特晚报》爆料，指曼城准备等美斯明夏同巴黎圣日耳门(PSG)约满之後，免转会费签入呢位35岁阿根廷国脚，夥拍艾宁夏兰特组成梦幻锋线。
        曼城领队哥迪奥拿曾经同美斯喺巴塞隆拿合作多时，佢早前被传媒问到艾宁夏兰特是否其教波生涯遇过嘅最佳前锋，哥帅立即反问：「咁美斯呢？」可见佢仍然对呢位球王念念不忘。
        事实上，早於美斯上年夏天加盟PSG之前，已经多次传出哥迪奥拿想签入呢位昔日爱将，依家机会又来了。由於PSG仍然未同美斯倾续约，巴塞有意邀请佢回巢，但美斯似乎唔想重返「伤心地」，毕竟当年巴塞决定放弃美斯，令佢喺记者会伤心落泪，仍然历历在目。
        因此，如果美斯离开PSG，加盟曼城再同哥迪奥拿拍住上，都系一个唔错选择。