【赛後解码】英格兰卡路士 梳尔大翻身

xcy232323

       


        曼联喺英超大胜般尼茅夫3比0，劳基梳尔所入1球非常精彩，呢位27岁左後衞喺49分钟，由後场开始盘球突破至离门约30码，分波畀队友之後，自己再杀入禁区接应射入，犹如美斯上身，赛後当选为今场官方最佳球员绝对实至名归。
        劳基梳尔今场除咗入1球之外，仲有3次创造入波机会，全场触球117次，95次传波有83次成功交畀队友，以及3次解围、1次抢断，表现攻守兼备。
        劳基梳尔喺2021年欧国盃表现大勇，包括决赛入波，当时被誉为「英格兰卡路士」，但呢位左闸上季及今季季初状态欠佳，一度被认为会被新兵杜维尔马拉西亚取代。幸好劳基梳尔愈战愈勇，已经重拾最高水平，对於佢自己及曼联都系好消息。