艾纳斯又出手 1600万镑年薪利诱布斯基斯

xcy232323

       


        艾纳斯签入C朗之後，又准备向其他欧洲球星招手，英国《每日邮报》指呢支沙特阿拉伯豪门开出一份1,600万镑年薪嘅2年合约，利诱巴塞隆拿中场布斯基斯今夏加盟，同C朗拍住上。
        现年34岁嘅布斯基斯将於今夏约满，佢正在等待巴塞开出新约，仍然未决定去留。不过，由於巴塞隆拿陷入财困，未必会留住呢位西班牙老将，所以早前已传出美职球队国际迈亚密有意邀请佢加盟，艾纳斯依家亦加入抢人，而且出手更加阔绰。
        不过，C朗以往效力皇马期间，曾经同巴塞隆拿留下唔少牙齿印，唔知布斯基斯愿唔愿意同佢做队友呢？
        布斯基斯今季为巴塞隆拿上阵18场西甲，其中16场踢正选，仍然有心有力，但佢喺上仗西甲对西维尔，勇战受伤，可能要休战2至3个星期。