名牌律师预言：曼城Case要打4年！

xcy232323

       


        曼城近日被英超赛会指控超过100条财务违规指控，面临扣分、降班、褫夺冠军等严重後果，正当球迷担心「蓝月亮」会因扣分而影响争标，有英超名牌律师就预言，曼城呢单官司有可能要打足4年先会有结果，就算处分都唔会系短期内嘅事。
        曾经代表纽卡素、打比郡、锡周三等英格兰球会嘅着名律师迪马高，向《泰晤士报》分析曼城今次案件话：「我之前为锡周三、打比郡嘅财务违规案打官司，佢哋被指控喺2个球季嘅帐目有问题，结果官司打咗1年半先完，考虑到曼城今次官司牵涉帐目横跨14年，而且有115条控罪，要用4年去审并唔令人意外。」
        前曼城财政顾问保臣亦认同「持久战」嘅讲法：「考虑到今次指控嘅严重性，我相信成个过程会需要好长时间，我认为要超过2年时间，而且英超赛会要证明曼城有咁大规模嘅违规行为系好困难。」