停唔到！比宁咸又入2粒平C朗纪录

xcy232323

       


        周六(7日)西甲赛事，今季状态巅峰嘅祖迪比宁咸又波停不了，佢再次交出2个入波，带领皇家马德里主场4比0大炒奥沙辛拿，呢位英格兰新星追平C朗拿度嘅入球纪录，连教练安察洛堤都话「估佢唔到」。
        皇马今场赢得轻松，祖迪比宁咸9分钟就先开纪录，54分钟攻入个人第2球，两名前锋云尼斯奥斯祖利亚同祖斯奴亦分别建功，皇马大胜4比0继续占据榜首。祖迪比宁咸今夏加盟後，喺西甲同欧联踢10场入10球，追平C朗拿度前10场嘅入球纪录。
        皇马教练安察洛堤赛後表示：「比宁咸冇固定位置，呢个安排令佢有优势，佢嘅後上非常出色，冇人谂过佢会有咁多入球。」就连奥沙辛拿教练阿拉沙迪都甘拜下风：「比宁咸非常全面，我唔知佢嘅上限喺边，佢有力引领一个足球新时代。」