高华锡2施收山脚被放生 VAR再惹争议

xcy232323

       

        英超球证执法水平近期成为热话，周一(9日)凌晨阿仙奴主场对曼城一战，同样出现重大争议。曼城中场高华锡上半场2次施展「收山脚」，但竟然被球证奥利华同VAR放生。前英超球证卡顿保赛後表示，高华锡「食2次红牌」都唔过份。
        高华锡上半场从後飞铲马田奥迪加特，踢中死脚下被奥利华出示黄牌，VAR曾介入翻睇系咪要「升级」红牌，点知最後不了了之；冇几耐之後，高华锡前场飞铲迪格兰赖斯，再一次「中脚唔中波」，但奥利华只系判犯规，连黄牌都冇出示。
        前英超球证卡顿保赛後表示：「高华锡唔食红都真系好好运，佢唔止1次可以拎红牌，而系2次！高华锡对马田奥迪加特嘅犯规，绝对可以升级为红牌，踢迪格兰赖斯亦应该拎第2面黄牌。好在阿仙奴最後赢波，如果唔系奥利华就会成为箭靶。」