足踝受伤 三笘薰师弟要坐轮椅

xcy232323

       

        上仗热身赛为日本入波嘅中村敬斗，比赛期间被踢伤退下火线，日本传媒报道，呢位兰斯前锋要坐轮椅，缺席国家队操练，嚟紧周二对突尼西亚将告缺阵。
        据报道，中村敬斗於上仗对加拿大下半场56分钟受伤，被对方踢伤足踝，要由担架抬出场，虽然未有退出国家队，但球员出入都要坐轮椅，并缺席操练。
        中村敬斗踢前锋及左中场，位置同三笘薰相同，两人都竞争国家队位置，但在访问中佢话：「好荣辛，我可以睇到呢个位置上三笘薰嘅世界级表现，一齐练波又得到佢嘅提点。」
        23岁嘅中村敬斗去年曾获白礼顿垂青，用嚟顶替离队嘅李安度杜沙特，今年夏天利物浦亦曾作出报价，最後佢加盟兰斯，今季上阵8场入1球。