莫耶斯识货 打算冬季签迪基亚

xcy232323

       

        西班牙钢门迪基亚近日重返曼彻斯特睇波，并同曼联後衞利古朗食饭，一度令人联想起佢可能会重投红魔鬼。不过，根据《Football Transfers》爆料，有兴趣签入迪基亚嘅球会，其实系韦斯咸，领队莫耶斯计划明年1月签入呢位昔日旧部。
        据悉韦斯咸2位门将艾路拿、法比安斯基都有意离队，其中法国国脚艾路拿可能去沙特阿拉伯搵食，莫耶斯需要做定两手准备，开始物色新门将，并睇中迪基亚。盛传韦斯咸方面已经派人同迪基亚联系，希望明年1月同佢签约18个月。
        莫耶斯2013/14年执教曼联，曾经同迪基亚合作过，佢认为呢位32岁钢门起码仲可以踢多2、3年，加上免转会费，绝对系「笋货」。事实上，莫耶斯一向对曼联球员情有独锺，曾经借用连格，今夏提出收购哈利马古尼，可惜未能成事，迪基亚加盟韦斯咸的确有机会成事。