曼联英联盃客队门票加价 专家抨击：无耻

xcy232323

       

        曼联下月初英联盃第4圈将会主场迎战纽卡素，会方决定将客队门票加价到39镑(约370港元)，届时将发售8,000张客队门票，实行向纽卡素球迷开刀。
        英联盃一直被视为「鸡肋」赛事，曼联依家咁样做，足球评论员Kieran Maguire大肆抨击，认为做法无耻，将矛头直指曼联班主格拉沙家族：「格拉沙家族贪婪喺足球界已经臭名远播，佢哋知道，就算门票加价，球迷都会照买飞入场睇波，可见格拉沙家族嘅自私自利，佢哋认为球迷唔在乎。」
        佢又大弹奥脱福球场设施残旧，仲好意思加价：「奥脱福球场客队看台设施差劣，坐得唔舒服，如果你身高6尺已经坐唔到，依家都21世纪仲有啲咁嘅设施，格拉沙家族对呢啲事完全唔理会，仲厚颜无耻收钱，简直系足球界嘅耻辱。」
        此外，由於卡塔尔财团放弃收购，曼联担心引起球迷激烈抗议，会方正同当地警方合作，加强球场周边保安。