夏兰特大战又脚软 挪威踢决赛周仲有生路？

xcy232323

       

        欧国外A组尘埃落定，西班牙同苏格兰齐齐拎到直接出线决赛周资格，但坐拥艾宁夏兰特同马田奥迪加特2大巨星嘅挪威，再一次交出令人失望嘅表现，艾宁夏兰特全场「隐形」，交出0射中同0过人数据。不过挪威踢明年欧国盃仲未绝望，仍有机会靠欧国联排名踢附加赛，但就要听天由命。
        艾宁夏兰特经常被批评「大赛脚软」，上轮对塞浦路斯入2球威风八面，但今仗对西班牙就全无贡献，全场唯一一次射门被後衞闩走，0次成功过人，18次掂波就有8次失去控球权，传球成功率只得50%。西班牙後防丹尼尔卡华积表示：「我哋由前锋同门将都落力防守，唔畀夏兰特可以轻松接应，一对中坚做得非常之好。」
        挪威自2000年欧国盃後，从未踢过任何国际大赛决赛周，艾宁夏兰特目前仍扭转唔到呢个命运，不过佢哋想踢明年欧国盃仲有一条生路，就系靠欧国联排名踢附加赛，但系挪威拎唔到到参赛资格，要睇塞尔维亚、乌克兰等前列球队成绩嚟决定，出线命运已唔掌握喺自己手上。