曼联前锋唔识入波 冬季又要买射手？

xcy232323

       

        曼联喺周日(22日)凌晨英超凭防守中场麦汤米尼、後衞达洛治各建一功，作客以2比1击败锡菲联，但再次暴露一种尴尬情况，红魔鬼今季英超11个入波，只有1球来自前锋，莫非明年1月冬季转会市场重开後，又要收购射手？
        曼联锋线球员脚头无灵，除咗拉舒福特喺9月射入阿仙奴大门之外，其他前锋仍然未曾喺联赛入波或者助攻。最讽刺系现时队内联赛首席射手，竟然系大部份时间坐冷板嘅麦汤米尼，佢近2场英超入3球，队长般奴费南迪斯以2球紧随其後。
        今夏以7,200万镑(约6.8亿港元)转会费由阿特兰大加盟曼联嘅海伦，踢咗6场英超仍然食白果，最令人失望。不过，呢位丹麦前锋喺欧联2次上阵入3球，似乎更擅长踢欧洲赛，周三(25日)凌晨欧联主场对哥本哈根，应该轮到海伦表演。