主场火力劲 蒙特雷大骚本钱

xcy232323

       

        墨超首阶段赛事，蒙特雷主场对尼卡沙，两队联赛排名悬殊，蒙特雷排第3，尼卡沙排榜末嘅18位，蒙特雷赢波机会高，不过佢哋上轮刚净吞CF阿美利加3蛋，相反尼卡沙上轮赢波，今场或有变数，睇番蒙特雷近期主场都多波入，近4仗主场3次开4球或以上，估计今场都一样，捧3.5球入球大。（周三早上11时05分开赛）
        蒙特雷近年系墨超争标分子，上季墨超次阶段常规赛冠军，上季两个阶段季後赛都打入4强，今季延续走势，目前排第3，不过要争首阶段常规赛冠军机会相当渺茫，皆因佢哋上轮榜首大战对CF阿美利加输0比3，依家落後榜首10分咁多，捧盃只系得番数字上嘅可能，不过佢哋喺主场特别多波入，捧场客不妨喺呢方面动脑筋。
        尼卡沙近年战绩低落，上季次阶段常规赛排17位，今季成绩更差，现时敬陪末席，佢哋成绩咁差主要系防守太弱，今季14战共失24球，不过佢哋上仗1比0击败排中游嘅普马斯，有助提升士气，而且同榜下游几支球队拿根亚、蓝十字、普埃布拉分数上相差唔太远，仲有机会离开榜尾，今场对蒙特雷都会尽全力抢分，作客都照攻，转玩入球大稳阵。