成季冇落班 33岁「饮水哥」宣布挂靴

xcy232323

       

        离开车路士後，已经有1年冇比赛嘅「饮水哥」真禾特，日前喺一个足球节目宣布挂靴，结束比赛生涯。
        真禾特最後一间球会系前季由车路士外借到英冠雷丁，返到车路士後约满离队，之後一直冇落班，今年夏天曾表示愿意帮降落英冠嘅李斯特城争升班，又话考虑去沙特比赛，但都冇实行，近日宣布挂靴。
        「饮水哥」表示，挂靴嘅想法已经持续咗一段时间，到最近，亦系宣布呢个决定嘅适当时候：「我一直想得到一个展现自己价值嘅机会，但无法得到，依家平静地接受呢个结果。」
        真禾特在曼联青训出身，但从未为红魔上阵，比赛生涯踢过多支英超及英冠球队，最高成就系帮李斯特城升班，然後喺2015至16年夺得英超冠军，其後转投车路士赢得足总盃，又曾外借到般尼同阿士东维拉，以及出国外流土超。