阿仙奴队巴去错球场 U18赛事搞笑延期

xcy232323

       

        由前球星韦舒亚执教嘅阿仙奴U18，周六(4日)上演一幕超乌龙事件，佢哋原本喺U18联赛作客白礼顿，点知队巴司机竟然去错球场，结果比赛被逼延期举行。
        阿仙奴U18周六本应作客白礼顿，但比赛开波前主队发现阿仙奴冇嚟到，原来「兵工厂」队巴司机摆乌龙，车咗球队去153公里外嘅般尼茅夫主场，由於去返白礼顿嘅车程要成2个钟头，最终认为赶唔切去比赛，所以宣布赛事取消，另择日期再踢。
        韦舒亚执教嘅阿仙奴U18，目前喺南部联赛排第7位，有球迷指韦舒亚喺足球生涯尾声曾效力般尼茅夫，如果佢及早发觉队长行错路，可能有机会阻止呢次乌龙事件出现。