菲腊仔返新工 执教波特兰伐木者

xcy232323

       

        6月畀碧咸炒鱿离开国际迈亚密嘅菲腊尼维利，获另一美职球队波特兰伐木者聘约，新球季将会担任主帅，签约至2026年，波特兰伐木者系美职中游球队，压力冇咁大，可能更啱佢发挥。
        46岁菲腊仔2013年喺爱华顿挂靴，2015年开始教练生涯，由沙福特城看守领队起步，教过英格兰女足、国际迈亚密同加拿大国家队助教，对於离开国际迈亚密，菲腊仔当时认为系因为签咗美斯，自己唔够料教先被辞退，似乎波特兰伐木者就冇呢个问题。
        对於菲腊仔执教，有伐木者球迷组织提出反对，仲发表声明话菲腊仔曾发表性别歧视言论，主要系话佢喺执教英格兰女足期间，表示女性应该煮饭同做家务，认为有歧视成分，反对佢嚟教波。