神奇连线！杜沙特7个入波全由同1人助攻

xcy232323

       

        阿仙奴喺周日(12日)凌晨英超，主场3比1轻取般尼，比利时前锋李安度杜沙特继续发威，佢今场先开纪录入波，系酋长球场第1,000个正式比赛入球，而更加巧妙嘅系，杜沙特自加盟阿仙奴以来，7个入球竟然全部嚟自同1个球员助攻，可以话系最佳拍档！
        阿仙奴今仗控制大局，到完半场前杜沙特接应布卡约沙卡头槌二传，门前飞身顶入；般尼54分钟由祖殊布朗晓尔射门省中人弹入追平，但阿仙奴3分钟後即由威廉沙列巴接应角球顶入，加上辛真高之後世界波建功，顺利以3比1赢波。
        杜沙特今季各项赛事已有6球进帐，连同上季加盟後入嘅1球，7个入波原来全部都系由布卡约沙卡助攻，杜沙特赛後表示：「我都唔知点解，不过每次沙卡带波，我就知道要走位同埋尽量接近佢，今场我都系博佢可以顶赢个头槌，结果就出现呢个入波。」