热刺边缘人担大旗 普帅拒绝卖畀巴塞

xcy232323

       


        喺英超开季成绩理想嘅热刺，近期面对严重嘅伤兵同停赛问题，其中进攻核心占士麦迪臣受伤影响最大。热刺领队普斯迪高路未来一段时间，将会重用边缘人卢施素孭飞，呢位阿根廷国脚啱啱喺国际赛有出色表现，有望乘势上位。
        卢施素早喺2019年已经加盟热刺，不过表现并冇令球迷留下深刻印象，对上2季都被外借去维拉利尔，今季重返热刺後亦只曾3次喺联赛後备上阵。但随住占士麦迪臣受伤，普斯迪高路就对卢施素委以重任：「依家系卢施素嘅机会，佢季前热身表现好好，但之後就受伤，打断佢嘅节奏，但我相信佢好快会回复最佳状态。」
        卢施素今个星期代表阿根廷踢世盃外，对巴西一仗更交出助攻为球队赢1比0，传闻巴塞隆拿打算喺1月斟介顶替加维，不过普斯迪高路就回应：「唔会！卢施素之前喺热刺表现唔关我事，因为我只会根据依家见到嘅事作出判断，嚟紧系我考察佢能唔能够配合球队踢法嘅机会，其他球员都系一样。」