迪基亚有对手 「双斯」都系纽卡素目标

xcy232323

       

        纽卡素门将尼克普比受伤长抖之後，盛传「喜鹊」有意下月冬季转会市场重开後，签入前曼联钢门迪基亚，但根据英国《镜报》最新消息，纽卡素仲有另外2位门将目标人物，就系洛里斯同基罗拿华斯。
        尼克普比缺阵之下，纽卡素近2场英超由副选杜巴夫卡把关，2连败之余，更加合共失7球，领队艾迪侯域急需考虑签入新门将。除咗大热人选迪基亚之外，艾迪侯域亦睇中热刺门将洛里斯，纽卡素今夏已经想借用呢位36岁法国钢门，但未能成事。由於洛里斯已经被领队普斯迪高路弃用，今季仲未上阵，相信唔介意外借，甚至出售畀纽卡素。
        另1位目标人物基罗拿华斯今季喺巴黎圣日耳门亦长居後备，呢位即将37岁嘅哥斯达黎加国脚曾於上季季中被外借去诺定咸森林，如果纽卡素提出借用，成事机会乐观。