阿迪达大赞！阿仙奴16岁神童有望欧联登场

xcy232323

       

        阿仙奴周三(13日)凌晨会喺欧联作客燕豪芬，由於「兵工厂」已锁定B组首名位置，今次出征荷兰势必作出轮换，领队阿迪达就带咗3名小将出发，其中16岁神童华尼利获点名大赞，今场有机会上阵创造历史。
        阿仙奴今次大军名单，有16岁嘅华尼利、18岁後衞禾达斯同18岁左闸连奴苏沙，最受注目当然系今夏续约嘅华尼利，呢位攻击球员喺上年英超对宾福特上阵，以15岁181日之龄成为英超史上最年轻上阵球员。如果华尼利今仗落场，将会打破韦舒亚纪录(16岁329日)，成为阿仙奴史上最年轻踢欧洲赛球员。
        阿迪达赛前对华尼利大表赞扬：「华尼利有样独特才能我好锺意，就系可以喺狭窄环境中突围，就好似韦舒亚一样。华尼利性格好好，佢跟一队练波嘅态度，同喺U18、U16练波一样，每一日都希望展现自己最佳一面畀人睇。」