纽卡素救星复出 保治文成定海神针

xcy232323

       

        纽卡素今季饱受伤兵困扰，上场联赛对富咸又有中坚法比安舒哈同中场祖连顿伤出，不过「喜鹊」亦有好消息，荷兰中坚保治文养伤接近3个月後终於复出，数据显示有保治文在阵嘅赛事，纽卡素胜率同失球率都大幅改善，成为球队後防定海神针。
        23岁嘅保治文上年夏天由里尔加盟，立即成为球队主力，系纽卡素上季杀入联赛前4关键人物，可惜今季季初受伤长抖，直到上场先至复出踢最後6分钟。据《天空体育》数据，纽卡素有保治文嘅46场赛事有55%胜率，平均90分钟失球只系0.8球，但喺保治文缺阵嘅23场，胜率急跌至43%，而平均90分钟失球增至1.2球，足证保治文嘅重要性。
        纽卡素领队艾迪侯域对保治文回归亦非常期待：「保治文系纽卡素非常重要嘅球员，佢落场效果系立竿见影，几下传送已证明佢属於顶级球员，我哋好开心佢终於回归，希望佢可以一直保持健康。」