英超早场 曼联「细」顶韦斯咸

xcy232323

       


        英超圣诞快车正式出发，早场先有韦斯咸主场迎战曼联。韦斯咸主场表现出色，近6场主场豪取5胜1和，曼联上场「双红会」放弃进攻，强如利物浦畀佢哋全军退守下闷和，今场作客「锤仔」料会照办煮碗，加上两军交手一向冇乜波入，2.5球嘅入球细可取。（Now 621及611周六晚8时30分直播）
        韦斯咸周中英联盃作客利物浦大败1比5出局，领队莫耶斯该仗收起卢卡斯柏基达、禾特普斯、葛特苏马、阿古特、艾马臣柏美尼同法比安斯基6个主力，到访晏菲路球场大败唔意外，球员收拾心情返主场出击会有唔同表现，事关「锤仔」近期表现大起大跌唔系第一次，早前作客富咸输0比5，但返主场即反弹，连胜弗赖堡同狼队，今次大败畀利物浦後，回师主场用番正选应战，相信会有唔同演出。
        曼联近况低迷，近3仗1和2负，欧联垫底出局，领队坦哈格压力沉重，不过上场闷和利物浦攞到1分，坦哈格大赞「防守好」，门将奥拿拿重拾信心，球队上下仲开心过赢波，可见佢哋唔介意场面肉酸，作客照样守博有分落袋。
        况且，今仗红魔正选右闸达洛治停赛，肯定缩得更彻底，预料即使韦斯咸赢波都系一球起、两球止，加上近5次「韦曼战」有4次总入球开2球或以下，细盘相当稳阵。