马迪尔「唔舒服」 已缺阵半个月

xcy232323

       

        曼联前锋安东尼马迪尔自月初对般尼茅夫被调离场至今，已经缺阵半个月，今场对阿士东维拉赛前，领队坦哈格回答传媒查询时表示，该法国射手仍然觉得「唔舒服」，至於系伤定系病，报道就冇详细讲。
        《每日邮报》报道，早前欧联生死战对拜仁慕尼黑赛前，曼联官方宣布安东尼马迪尔同拉舒福特缺阵，当时会方披露拉舒福特感染肠胃病毒，但安东尼马迪尔就冇讲咩事。
        拉舒福特喺其後对利物浦一仗已经复出，但安东尼马迪尔继续缺阵，之後对韦斯咸亦唔见人，今场对阿士东维拉赛前，坦哈格话佢仍然「唔舒服」，将继续缺阵。
        28岁嘅安东尼马迪尔效力曼联已经9个球季，今季上阵19场交出2球2助攻，现时身价仅余1,500万欧元，亦系前主帅摩连奴早前表示「应该一早清洗但依家仍然喺度」嘅其中一名球员，估计佢会留喺曼联至明夏约满。