系爱呀！巴塞忠臣愿再减薪续约

xcy232323

       

        巴塞隆拿队中最低薪球员之一嘅老臣子沙治罗拔图，希望继续留队，表示愿意再度减薪续约，至於减几多就再倾。
        沙治罗拔图由巴塞青训开始，整个职业生涯都喺巴塞，2010年升上一队至今已经13年，为巴塞上阵357场入19球，同现任主帅沙维做过队友，喺更衣室担演非常重要角色。
        呢位31岁忠臣疫情期间经历减薪，由原本接近1,000万欧元年薪大减一半，现时年薪为500万欧元，明年约满嘅佢打算同巴塞续约，并愿意再度减薪，表明无意离队，唔会接受巴塞以外嘅报价，不过能否续约，可能要到季尾先确定。