哈利卡尼搬豪宅 酒店全体「送财神」

xcy232323

       

        英格兰前锋哈利卡尼今季转战德甲，15场联赛狂入21球破晒纪录，趁住德甲歇冬时间，转会後一直住喺酒店嘅哈利卡尼亦终於搵到安乐窝，进驻新屋前获酒店举行盛大嘅欢送仪式，据报哈利卡尼去到慕尼黑後，酒店帐单超过100万镑(约991万港元)！
        哈利卡尼夏天转投拜仁慕尼黑後，同家人一直住喺凯宾斯基四季酒店，每日酒店费超过1万镑，埋单总额超过100万镑。哈利卡尼离开嗰阵，同酒店全体员工大合照，并喺社交网留言：「非常多谢酒店员工，令我嚟到慕尼黑後都有家嘅感觉，我可以融入得咁好，佢哋非常重要。」
        哈利卡尼更指拍档汤马士梅拿一直催佢尽快搬屋，担心酒店房太细，唔够佢摆连中三元嘅纪念足球(哈利卡尼已3次为拜仁上演帽子戏法)。德国《图片报》报道，哈利卡尼一家将搬入慕尼黑比华利山价值2,900万镑(约2.87亿港元)豪宅，距离拜仁慕尼黑训练场只系25分钟车程。