指控领队偷云尼斯奥斯波衫 畿内亚球星被踢走

xcy232323

       


        非国盃决赛周下月展开，畿内亚近日公布大军名单，不过喺葡超搵食嘅中场球星史拉意外落选，据报呢位25岁球星喺今年6月友赛巴西後，曾指控领队迪亚华拉偷走佢交换返嚟件云尼斯奥斯祖利亚波衫，今次落选系被「报复」。
        畿内亚喺6月友赛巴西大败1比4，赛後史拉成功同云尼斯奥斯合照兼交换波衫，点知返到更衣室後，波衫突然离奇失踪，史拉即怀疑被队友偷走，之後更指领队迪亚华拉系贼，最终搜查成个更衣室都无所获，但更衣室气氛已闹僵，佢至今亦冇作出道歉。
        畿内亚今次点名踢走史拉，就系惩罚佢嘅过激行为，而畿内亚今次点兵仍有前利物浦球星拿比基达、史特加射手古拉斯等压阵。畿内亚喺今届非国盃身处C组，同组有喀麦隆、冈比亚同塞内加尔。