海伦缺阵真相 坦哈格咁解释

xcy232323

       

        曼联喺英超1比2不敌诺定咸森林，早前英超开斋嘅射手海伦缺阵成为红魔鬼输波原因之一，赛後领队坦哈格表示，呢位丹麦国脚病咗，所以无法披甲，但扬言多位球队员可於嚟紧1月伤愈复出，成绩将会改善。
        海伦抱病未能披甲，令红魔鬼今季第35次出现球员伤病纪录，坦哈格话：「我哋总系因为球员伤病问题，被逼调整阵容，我唔系想搵藉口，因为无论人脚系点，都必须以赢波为目标，但现实系球员选择好有限，好似海伦今次生病，焗住又要换锋线组合，可以睇到球队上半场缺乏速度。」
        呢荷兰名帅同时透露，伤兵问题应该好快可以解决：「伤兵系球队现时最大挑战，1月会有好多球员回归，我哋整体水平将获得提升。」21岁翼锋阿密特迪亚路缺阵5个月後，今仗复出，对於缺乏可靠右翼嘅红魔鬼而言，或者可以舒缓燃眉之急。