曼城轻取锡菲联 5冠「大晒冷」霸气过年

xcy232323

       

        周六(30日)英超赛事，曼城喺主场2比0轻取弱旅锡菲联，打出一波4连胜走势完美结束「大丰收」嘅2023年。曼城领队哥迪奥拿表示对今年成绩非常满意，但只会畀3日假期球员庆祝新年，之後就要重新专注2024年再度冲刺。
        曼城今仗赛前有个「晒冷」仪式，摆出欧联、英超、英足盃、欧超盃同世冠盃5大奖盃，全队影张威水大合照。今场面对锡菲联轻易控制战局，洛迪卡斯简迪14分钟打破僵局，祖利安艾华利斯61分钟锁定胜局，曼城全场有82%控球率下轻松赢波。
        虽然2023年大丰收，不过哥迪奥拿赛後亦唔敢得意忘形：「我哋过去做到嘅佳绩，唔代表下一年都会发现，我哋呢一刻嘅未来，就系3日假期同一个快乐新年，之後就要专注备战哈特斯菲尔德(英足盃)，唔会再有其他庆祝。」