【有片】高普High到唔见婚戒 送特权报答恩人

xcy232323

       

        利物浦主场4比2击败纽卡素，流畅进攻踢到水银泻地，领队高普当然睇得兴奋，不过佢完场庆祝嗰阵High过头，竟然整唔见手上只结婚戒指！高普即场搜索都搵唔到，表现颇为紧张，好在最後畀摄影师发现，高普失而复得即刻对住镜头锡婚戒，仲话会畀「特权」报答该摄影师哥哥！

        今场比赛完结後，高普就高举双手向住球迷拍掌庆祝，突然发现戴住嘅结婚戒指唔见咗，佢就低头不断寻找，转咗两个圈都无所获，甚至要请求场边保安一切帮手搵，最终摄影师发现婚戒位置，高普执番後终於松一口气。高普表示：「我之前都试过唔见一次，嗰阵仲系喺水入面，要职业潜水员帮我搵番。我唔系特别钟情珠宝，但呢只戒指系我唔能够失去。」
        对於帮手搵番婚戒嘅电视台摄影师，高普就话：「个摄影师系我嘅英雄，系我2024年最新英雄，由依家开始，如果佢想影我个大头，我都会畀佢影！」