富安健洋复出即离队 阿仙奴闹左闸荒

xcy232323

       

        阿仙奴喺英超2连败，争标之路大受打击，依家更面临後防荒问题，3位正选左闸球员各有问题，辛真高突然受伤，积及基奥柯顶上表现差劲，啱啱复出嘅富安健洋又准备去踢亚洲盃，领队阿迪达都几头痛。
        阿仙奴对富咸前，传出辛真高小腿受伤消息，日内将会进行检查，阿迪达表示：「辛真高觉得小腿有唔妥，实际咩事我都唔知，等检查睇下佢要休息几耐。」辛真高受伤下，波兰国脚积及基奥柯顶上左闸，但球队就系因佢解围漏油而失波，进攻亦冇贡献，结果半场就被换走。
        入替嘅富安健洋养伤接近1个月後首次复出，但踢完今仗就要返日本国家队踢亚洲盃，随时又要缺席1个月时间。阿仙奴本来仲有荷兰国脚祖利安添巴可踢左闸，但佢自开锣战膝部韧带重创下，一直养伤。