拉舒福特庆祝动作被插 竟然关辛祖事？

xcy232323

       

        曼联前锋拉舒福特今季表现备受批评，上场联赛对热刺入波後，佢庆祝嗰阵做出「多嘢讲」手势反击外界批评声音，结果被名宿坚尼怒插，指拉舒福特冇资格怨天尤人，应该集中踢好自己嘅波。估唔到拉舒福特就借球迷把口回应，而且仲同查顿辛祖有关！
        对於坚尼嘅批评，有球迷留言指：「拉舒福特今个星期喺查顿辛祖嘅帖文留言後，就受到好多球迷攻击，佢(庆祝)好明显系回应紧呢啲人。球迷质疑佢对曼联嘅忠心同投入，佢就用1入波1助攻令批评者收声。拉舒福特入唔到波就畀人闹垃圾，入到波又被指指点点。」呢段解释就获拉舒福特本尊认可，佢留言回应：「多谢解释清楚呢件事。」
        被领队坦哈格打入冷宫嘅查顿辛祖，今个月以外借身份重返多蒙特，拉舒福特日前就喺查顿辛祖贴嘅练波衫留「心心」支持，结果被曼联球迷「出征」闹爆。