宾施马被踢出集训营 皇马、曼联、里昂抢人

xcy232323

       


        法国前锋宾施马上年加盟伊蒂哈德，但一直有传佢唔锺意喺沙特踢波，後悔转会决定。据报宾施马近期玩失踪，被伊蒂哈德踢出集训营，西班牙媒体《Fichajes》指呢位老将即将离队，皇家马德里、曼联同里昂都有意借用。
        为让路亚洲盃，沙特联赛正进入休战期，消息指宾施马亦飞去毛里裘斯度假，但原定上周五(12日)就要返伊蒂哈德报到，但就台风为由未有如期归队，不过阿根廷教练马些路加拿度就唔接受呢个原因，决定将佢踢出杜拜集训营。
        宾施马喺沙特表现不似预期，今季甚至试过被伊蒂哈德狂嘘，早前佢就删除IG帐号避球迷攻击。《Fichajes》指宾施马「即将」离队重返欧洲，3间欧洲豪门都想借用佢至季尾，包括宾施马2间前球会皇家马德里同里昂，而急於搵前锋嘅曼联亦系潜在买家之一。