迪高表明无意换帅 沙维证实1月冇钱签人

xcy232323

       


        巴塞隆拿今季表现令人失望，教练沙维一直受到唔少压力，周一(15日)凌晨西超班被皇家马德里大炒後，沙维更要公开道歉，不过总监迪高就派定心丸，表明球会无意易帅。沙维暂保帅位，但佢证实1月唔会再有新球员加盟，前路仍然崎岖。
        巴塞喺国家打吡大败1比4後，沙维承认今场系全季表现最差一仗，并向球迷道歉，赛後有记者问迪高会唔会易帅，呢位葡萄牙名将就回应：「呢条问题真系多余，沙维仍然得到球会上下嘅支持，呢场败仗好痛苦，但唔会改变任何事情。」
        巴塞一直希望补充後防同中场，但受到财政问题所限，沙维喺赛後亦证实今个月唔会再有新球员加入：「1月份唔会再签入任何球员，呢个系巴塞依家嘅情况，亦系需要接受嘅现实。」巴西前锋域陀洛基早前加盟，将会系巴塞冬季转会窗唯一增兵。