沙拿伤势比预期严重 经理人：抖1个月

xcy232323

       

        利物浦前锋穆罕默德沙拿早前喺非国盃赴伤而回，最初埃及足总宣布佢会缺阵2场，不过沙拿经理人阿巴斯周二(23日)证实，该前锋喺伤势比预期更严重，将要休息3个星期至1个月，如果时间准确，沙拿唔单止缘尽非国盃，仲会缺阵6场利物浦嘅大战。
        埃及日前决定畀沙拿返利物浦疗伤，原本计划系想佢抖2场後，若果埃及杀入非国盃4强，沙拿会再次归队助阵，但阿巴斯周二带嚟坏消息：「沙拿伤势比我哋预期更加严重，佢会缺阵21日至28日，而唔系之前讲嘅2场。」非国盃决赛喺2月11日上演，意味就算埃及杀入决赛，沙拿都唔会赶得切参加。
        如果沙拿真系要抖1个月，对利物浦亦系一大打击，佢将会缺阵英联盃4强对富咸、英足盃对诺域治以及4场英超，对手包括车路士、阿仙奴、般尼同宾福特。