巴塞搵新帅心仪高普？真正大热系呢个！

xcy232323

       

        沙维宣布季尾离任巴塞隆拿教练，消息震撼球坛，球会亦开始物色新帅人选。由於高普较早前亦宣布夏天离开利物浦，自然引起外界猜想，西班牙《每日体育报》指巴塞确实心仪高普，不过目前仅限於「希望」嘅阶段，真正大热人选系B队教练马基斯，呢位前巴塞球星亦率先表示愿意接手。
        巴塞接纳沙维教埋今季之後离队，依家仲有大把时间搵接任人选，据报利华古逊教练沙比阿朗素并唔喺巴塞目标名单上，反而高普就系会长拉波塔嘅心仪人选，但巴塞都知道要高普执教难度极高，暂时冇打算有进一步行动。除高普之外，基罗纳教练米高亦系目标人物。
        不过，盛传巴塞B队教练马基斯会系大热人选，呢位墨西哥名将球员时代效力巴塞7个球季，拎过4次西甲同2次欧联冠军，2022年回巢执教巴塞B队表现获好评。44岁嘅马基斯率先表示愿意接任：「边个唔想做巴塞教练？我会继续努力，今季只系我第2季做教练，巴塞会好细心咁挑选佢哋觉得合适嘅教练，如果有机会我一定唔会Say No！」