PSG睇中拉舒福特接班麦巴比

xcy232323

       

        基利安麦巴比决定季尾离开巴黎圣日耳门(PSG)後，逐法甲豪门亦展开换班行动，据英国《泰晤士报》报道，PSG视曼联前锋拉舒福特同拿玻里嘅域陀奥森汉为2大目标。
        PSG早喺2022年夏已曾斟介拉舒福特，当时「福仔」状态巅峰，去年更同曼联高薪续约，不过呢位26岁球星今季状态低迷，场外又爆出烂玩夜蒲丑闻，但种种是非无损PSG兴趣。《泰晤士报》消息指，PSG总监甘波斯对拉舒福特情有独锺，认为佢嘅翼锋内切踢法可以延续麦巴比嘅威力。
        拉舒福特嘅去留将由曼联新老板拉特克利夫决定，但佢张合约去到2028年，预计转会费会接近1亿镑。PSG另一目标系拿玻里前锋域陀奥森汉，呢位尼日利亚射手合约亦有1.11亿镑买断条款。