劳基梳尔又伤 坦哈格暗示伤势唔轻

xcy232323

       

        曼联喺英超2比1击败卢顿，联赛录得4连胜，不过一直好转嘅伤兵问题又有麻烦，劳基梳尔连续第2场因伤被换走，更被影到离场嗰阵「拐住行」，领队坦哈格赛後暗示劳基梳尔伤势唔简单。
        复出冇耐嘅劳基梳尔上场对维拉半场退下火线，坦哈格解释系「预防性」，今仗对卢顿都赶得切上阵，但佢喺上半场补时阶段又再伤出，而且离场更「一拐一拐」，明显比上场嘅情况更差。
        坦哈格赛後表示：「佢唔止撞亲咁简单，但实际伤势系点，至少要等1日後先可以详细检查，因伤离场绝对唔系好现象。」曼联中坚利辛度马天尼斯早前复出後又再重伤，希望劳基梳尔唔会重蹈覆辙。