10个球星9个滚 意名模撑基尔获加偷食

xcy232323

       


        正所谓「10个男人9个滚，剩低1个仲谂紧」，做球星更加容易招惹狂蜂浪蝶，曼城球星基尔获加早前被爆有私生子，引起球迷极大回响。意大利名模Saulino日前就力撑基尔获加，指英超有98%球员试过偷食，佢本人就曾经同3个已婚英超球星行埋。
        喺IG有超过23万粉丝嘅Saulino，对基尔获加被炮轰一事表示同情：「我对基尔获加嘅行为并唔意外，我衷心相信偷食系正常现象，人生总系有好多想得到嘅嘢，点解爱情唔可以？我好同情基尔获加，因为有98%球员都偷食。一个球星有咁多机会识女仔，要成世忠於青梅竹马女友？真系难以置信。」
        Saulino仲拎埋个人经验嚟证实：「我经常都收到英超球员嘅私讯，亦试过同3个英超球员发生关系，但之後发觉佢哋都系有老婆。我系有啲失望，不过我接受男人嘅现实一面，而唔系我幻想嘅一面。」