夏维斯新角色翻生 重返欧联捧盃福地

xcy232323

       


        德国国脚夏维斯季前加盟阿仙奴，经过半季後表现渐入佳境，近期获阿迪达安排新角色後全面翻生，成为「兵工厂」争霸重要棋子。阿仙奴喺欧联16强首回合作客波图，呢个球场就系3年前夏维斯喺欧联决赛一箭定江山嘅「福地」，今次重游旧地誓再争取好成绩。
        2021年欧联决赛喺波图主场上演，夏维斯射入全场唯一入球帮车路士击败曼城捧盃，夏维斯表示：「呢段系我最美好嘅回忆，一世都唔会忘记，期待再喺呢个球场比赛，希望阿仙奴都会有我3年前一样嘅结果。」
        夏维斯近年演出备受批评，不过转会阿仙奴後稳步上扬，近日出任左中场同前锋切换角式，球场上自由度大增令佢发挥极佳，夏维斯回应：「我踢边个位置都冇问题，但我唔系一个固定位置嘅球员，愈有流动性同变化就愈适合我嘅长传，依家呢个位置好适合我，总之落到场我就会尽全力帮球队争胜。」