曼城大镬 奇云迪布尼又受伤

xcy232323

       


        曼城上场英超以1比0击败宾福特，但中场大脑奇云迪布尼并冇上阵，赛後领队哥迪奥拿表示，呢位32岁比利时国脚有轻伤在身，唔想冒险派佢参加比赛。
        奇云迪布尼全场坐後备席，甚至冇做热身，赛後哥迪奥拿被问到呢位主力情况时，佢话：「今场唔可以用奇云迪布尼，因为佢嘅腿筋有些少问题，唔可以畀佢冒任何风险。」
        奇云迪布尼上年8月因为腿筋受伤，接受手术，导致缺阵5个月，上月初复出之後，踢8场比赛射入2球及6次助攻，对曼城作出重大贡献，哥迪奥拿梗系要锡住呢位猛将，避免佢又长抖，影响争标。